皇马球迷会女会长:封王似坐过山车

【Now Sports】皇家马德里提早夺得西甲冠军,我们找来皇家马德里香港球迷会会长June大谈爱队封王感受,她坦言,感觉犹如坐过山车。问:对爱队封王有咩感想?
June:赢西甲当然好开心啦!印象中我睇皇家马德里咁耐,好似冇试过早咁多轮就夺冠,心情兴奋!夺冠后,有好好心情备战欧联4强次回合(对曼城)。我哋落后1球,但返到主场希望有力逆转,进入欧联决赛就更加好。

问:讲下封王关键战役?
June:我觉得系近排对西维尔(赢3:2)𠮶场,都几深刻,因为一开始落后0:2,要洛迪高同埋拿祖追和,然而宾斯马补时阶段「反吸」,都几激动。点解我觉得咁关键?上季都因为对西维尔场波出现问题手球,有一边被判手球,有一边冇被判手球,施丹好嬲。𠮶场我哋和咗波,冇咗两分之后失去赢西甲冠军主导权,最后一场要赢之余仲期望马德里体育和或者输,我哋至有得赢西甲,个故事最后大家都知,系马体会赢。今季咁样赢关键战役,好开心。

问:仲有咩难忘片段?
June:有啲似坐过山车。记得写过一啲关于安察洛堤嘅入球数,佢真系激活咗云尼素斯,令到佢同宾斯马好夹,头几场好多入球,大家都好开心好期待。至于点解讲过山车?球迷开始发现出嚟出去都系𠮶班人,就怀疑佢哋开始有啲攰,少少跌watt,开始有啲危机,而前排有人又好似觉得安察洛堤麻麻地;然后去到依家几场大逆转,令我哋士气又增加返……好似又高又低嘅过山车,到星期六赢波,有好嘅收尾。

问:有咩封王功臣?
June:宾斯马就一定唔使讲,佢真系好出色同埋慢慢可以担起成队波。另外就系摩迪,呢两个都系关键角色。另一个少人提系古图奥斯,佢守住大门都好重要,咁仲有我哋嘅巴西孖宝啦……讲讲下讲成队。至于幕后功臣,心里都好多谢安察洛堤肯返嚟教皇马,因为当初都谂唔到有边个可以教。虽然都系𠮶句,佢换人方针可能令大家好忟憎,但其实佢战术运用好出色,你见到今季有好多反胜,所以佢能够令球员沉得住气,打到逆境波,呢个系上季未必做到嘅事。另一个幕后功臣系体能教练Antonio Pintus,佢今季加入好多新嘅训练,例如我哋见到球员跑步时会戴啲特制口罩,应该系一啲氧气罩去做体能训练,令到球员伤患少咗好多。真系要多谢佢,令球员今季可以健健康康踢到尾。

问:球迷会有咩庆祝活动?
June:我记得两年前都答过呢个问题,因为疫情关系所以冇得庆祝。本来想搞睇波,而亦都因为疫情所以冇办法进行任何踢波活动。睇下有冇机会一齐食餐饭!㖊晚,我哋都有约埋一齐开zoom睇波。之后几场波都好夜,所以未必再约到一齐睇。我哋下个月打算去捐血做慈善应援,大家都可以留意球迷会宣布,一齐支持。

  • 评论列表:
  •  USDTOTCAPI接入(www.usdt8.vip)
     发布于 2022-05-04 00:17:18  回复

  • 延伸阅读
    妈妈车后爸爸超跑发烧友 最美星二代飙车过弯身手辣
    【大S闹婚变】汪小菲「被仳离」后现身大笑 深夜点歌抒情
    上次晒合照是2年前情人节 王力宏、李靓蕾互动少遭传婚变
    【大S闹婚变】大S断开微博连结 汪小菲深夜跨海求和
    娶亲2周年大放闪 林志玲:谢谢生命的每个启程可以日更吗

添加回复:

◎欢迎参与讨论,请在这里发表您的看法、交流您的观点。